Rodzhistiwa bayrimida dunya ténchliqi terghip qilindi


2007-12-25
Share

Dunyadiki xristyanlar rodzhistiwa bayrimini tentene bilen tebriklidi. Xristyanlarning diniy rehbiri rim papasi 16 ‏- bénidik, 25 ‏- dékabir rodzhistiwa bayrimi küni munasiwiti bilen, 60 nechche xil tilda xristyanlarning mezkür bayrimini tebriklep, dunyada toqunushlarning ayaqlishishi üchün du'a qildi.

Rim papasi sözide , ténchliqni alahide tekitlesh bilen birge bolupmu urush weziyitide turuwatqan iraq, liwan , darfur , somali qatarliq rayonlarning tézraq eslige kélishini ümid qilidighanliqini, herqaysi dölet rehberlirining eqil we jasaritini ishqa sélip, pütün yer sharidiki toqunushlargha xatime bérishini telep qildi. U yene , insanlarning turmush sewiyisining ösüshige egiship, étiqadning susliship kétiwatqanliqini, namratlargha we etrapidiki kishilerge yardem qilish éngining yoqiliwatqanliqini agahlandurup, kishilerni étiqadqa sadiq bolushqa, shexsiyetchilikke hakim bolup, güzel muhit berpa qilishqa chaqirdi.

Xristyan muritliri her yili 25 ‏- dékabir künini, özlirining diniy bayrimi süpitide xatirileydu, bashqa diniy mezheplerge étiqad qilidighan kishilermu bu künni bayram süpitide xatirlep kelmekte. Emma rodzhistiwa bayrimi, hezriti eysaning tughulghan künini xatirilesh yüzisidin meydan'gha kelgen xristyanlarning eng aly diniy bir bayrimi hésablinidu.

Bu arida pelestin rehberlirining rodzhistiwa bayrimi munasiwiti bilen pelestin ‏- isra'iliye mesilisining ténchliq yosunda bir terep qilinishini terghip qilghanliqi ilgiri sürülgen bolup, pelestin milliy hakimiyet orginining re'isi abbas , yéngi bir yilning ténch we muqim bolushini shuningdek pelestin xelqining kéler yili musteqilliqqe érishish üchün du'a qiliwatqanliqini bildürdi. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet