Dunya musulmanliri rozi héytni tebriklimekte

• 
  2005-11-03

Islam dinidiki ulugh ramizan éyi axirliship, dunya musulmanliri peyshenbe küni rozi héytni kütüwaldi

Chet'el agéntliqlirining xewirige qarighanda, iraqtiki nurghun sünniler peyshenbe küni etigen héyt namizini ötep, tebrik pa'aliyetlirini bashlidi. Shiyiler bolsa héytni jüme küni bashlaydu.

Ottura asiyadiki, jümlidin Uyghur élidiki musulmanlarmu diniy we en'eniwi bayrimi bolghan rozi héytni tebriklidi. Xitay xewer tori peyshenbe künidiki xewiride, Uyghur élidiki musulmanlar xoshal- xoram halda rozi héytni ötküzmekte dégen témida xewer élan qilip, Uyghurlarning diniy erkinlikidin behriman boliwatqanliqini körsetken.

Emma yéqindila amérika kelgen ismini ashkarilashni xalimaydighan bir xanimning bildürüshiche, xitay hökümiti ramizan éyida musulman ishchi- xizmetchi we oqughuchilarning roza tutushi, namaz oqushini chekligendin sirt, yene partiye we hökümet orunlirida ishleydighan musulmanlarning héyt namizigha bérishinimu cheklep kelmekte.

Dunya musulmanliri rozi héyt ötküzüwatqan bir peytte, keshmirdiki yer tewresh apitige uchrighan musulmanlar rozi héytni tebrik bilen emes, matem bilen kütüwaldi. Keshmirdiki yer tewreshte ölgenlerning sani 73 mingdin ashqan bolup, tüzük panahlinidighan jay tapalmighan nurghunlar qehritan qishqa düch kelmekte. (Arzu)