Дуня мусулманлири рози һейтни тәбриклимәктә


2005-11-03
Share

Ислам динидики улуғ рамизан ейи ахирлишип, дуня мусулманлири пәйшәнбә күни рози һейтни күтүвалди

Чәтәл агентлиқлириниң хәвиригә қариғанда, ирақтики нурғун сүнниләр пәйшәнбә күни әтигән һейт намизини өтәп, тәбрик паалийәтлирини башлиди. Шийиләр болса һейтни җүмә күни башлайду.

Оттура асиядики, җүмлидин уйғур елидики мусулманларму диний вә әнәниви байрими болған рози һейтни тәбриклиди. Хитай хәвәр тори пәйшәнбә күнидики хәвиридә, уйғур елидики мусулманлар хошал- хорам һалда рози һейтни өткүзмәктә дегән темида хәвәр елан қилип, уйғурларниң диний әркинликидин бәһриман боливатқанлиқини көрсәткән.

Әмма йеқиндила америка кәлгән исмини ашкарилашни халимайдиған бир ханимниң билдүрүшичә, хитай һөкүмити рамизан ейида мусулман ишчи- хизмәтчи вә оқуғучиларниң роза тутуши, намаз оқушини чәклигәндин сирт, йәнә партийә вә һөкүмәт орунлирида ишләйдиған мусулманларниң һейт намизиға беришиниму чәкләп кәлмәктә.

Дуня мусулманлири рози һейт өткүзүватқан бир пәйттә, кәшмирдики йәр тәврәш апитигә учриған мусулманлар рози һейтни тәбрик билән әмәс, матәм билән күтүвалди. Кәшмирдики йәр тәврәштә өлгәнләрниң сани 73 миңдин ашқан болуп, түзүк панаһлинидиған җай тапалмиған нурғунлар қәһритан қишқа дүч кәлмәктә. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт