Rusiye kolin powélning eyiblishini ret qildi


2004.09.15
Share on WhatsApp
Share on WhatsApp

Rusiye tashqi ishlar ministiri sérgéy lawrow ( Sergei Lavrov) charshenbe küni, kolin powélning putin otturigha qoyghan, merkizi hökümetning rayon'gha bolghan kontrolliqini téximu kücheytish toghrisidiki qararini eyiblishige reddiye bérip, bularning rusiyening térrorchiliqqa zerbe bérishtiki charisi bolghan döletning ichki siyasiti ikenlikini bildürdi.

En'gliye b b s radi'o- téléwiziye shirkitining xewer qilishiche, sérgéy lawrow sözide yene, “ washin'gton hökümitining özining démokratik tüzümini bashqilargha téngish hoquqi yoq.” Dep körsetti.

Seyshenbe küni amérika tashqi ishlar ministiri kolin powil (Colin Powell), rusiyening térrorchiliqqa zerbe bérish hoquqigha ige ikenlikini, emma putin otturigha qoyghan teklipning emeliyette bolsa démokratik islahatqa tosalghu bolghanliqini bildürgen idi.

Shundaqla yawropa birlikining tashqi ishlar komitéti re'isi kris pettén (Chris Patten), öziningmu amérikigha oxshashla putinning bu qararidin endishe qilidighanliqini tekitligen hemde yawropa parlaméntigha, rusiye hökümitining hoquqini kücheytishni térrorchiliqqa zerbe bérishning birdin- bir charisi qiliwalmasliqini ümid qilidighanliqini bildürgen. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.