Rusiyide eskerlerning özini öltürüwélishi ötken yili eng éghir boldi


2008-01-27
Share

Rusiyining herbiy tüzülmisi sowét ittipaqi yimirilgendin kéyin köp özgergen bolup, burunqi qattiq intizam we kommunistik idi'ologiye ramkisi astidiki tüzüm emeldin qaldurulghandin buyan rusiye armiyiside kona eskerlerning yéngi eskerlerni bozek qilishi we xarlishi netijiside eskerlerning özini öltürüwélish ehwali éghirlashqan.

Rusiyining "newsru" torining xewer qilishiche, rusiye mudapi'e ministirliki ötken bir yilda 224 neper rusiye herbiy xadimining özini öltürüwalghanliqini bildürgen.

Ötken yili rusiyining sibiriye rayonidiki bir tanka qisimining yéngi jengchisining kona eskerler teripidin urup, haqaret qilishqa uchrap, ikki putidin ayrilghanliqi pütün rusiyide zor-zor ghulghulilarni qozghighan idi. Rusiye jama'iti mudapi'e ministirlikidin bundaq kona eskerlerning yéngi eskerlerni xarlash ehwalini derhal éniqlap, jinayetchilerni jazalashni shuningdek mudapi'e ministirining wezipisidin istipa bérishini telep qilghan idi. Rusiye insan hoquqi teshkilatlirimu rusiye qoshunliridiki intizamsizliq shuningdek eskerlerning teminat,ozuqluq yétishmeslik qatarliq ehwallirini tenqid qilghan.

Rusiye nöwette, herbiy sistémisini islah qilishqa, adem sanini qisqartip toxtamliq esker tüzümini qollinishqa heriket qilmaqta. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet