Путин, русийиниң һәрбий қисимлирини чекиндүрүш мәсилисигә пәқәт русийә, җәнубий оссетийә вә абхазийә һөкүмәтлири қарар берәләйду, дәп көрсәтти

Грозийә, америка вә явропа иттипақи, русийини җәнубий оссетийә вә абхазийидики һәрбий қисимлирини, мәзкур районлардин чекиндүрүшкә чақириватқан бир пәйттә, русийә баш министири владимир путин, русийиниң абхазийә вә җәнубий оссетийидики һәрбий қисимлирини чекиндүрүш тоғрисида пәқәт русийә, җәнубий оссетийә вә абхазийә һөкүмәтлири қарар берәләйду, дәп көрсәтти.
Мухбиримиз өмәр қанат
2008-09-20
Share

 Америка бирләш агентлиқиниң хәвәр қилишичә, русийә баш минстири путин шәнбә күни москвада бәргән баянатида, русийиниң җәнубий оссетийә вә абхазийә әтрапидики районлардин һәрбий қисимлирини чекиндүридиғанлиқини тәкитлигән. Лекин җәнубий оссетийә вә абхазийидин қошун чикиндүрүшниң алаһидә бир мәсилә икәнликини билдүргән.

Сиясий мулаһизичиләрниң ейтишичә, русийә баш министириниң мәзкур баянати, русийиниң ғәрб дөләтлириниң тәләплиригә писәнт қилмиғанлиқини көрситидикән.

Америка вә яврупа иттипақи русийиниң һәрбий қисимлириниң өткән ай грозийә билән уруш башлаштин бурунқи чегрисиға чекиндүрүшини тәләп қилмақта.

Баянатида, русийиниң җәнубий оссетийә вә абхазийини русийә территорийисигә қошуветиш нийити юқлиқини тәкитлигән русийә баш министири путин, ғәрб дөләтлириниң феврал ейида косованиң мустәқиллиқини етрап қилиши арқилиқ, русийиниң абхазийә вә җәнубий оссетийиниң мустәқиллиқини етрап қилғанлиқиға қарши сөз қилиш салаһийитини йоқатти дәп көрсәтти.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт