Putin, rusiyining herbiy qisimlirini chékindürüsh mesilisige peqet rusiye, jenubiy ossétiye we abxaziye hökümetliri qarar béreleydu, dep körsetti

Groziye, amérika we yawropa ittipaqi, rusiyini jenubiy ossétiye we abxaziyidiki herbiy qisimlirini, mezkur rayonlardin chékindürüshke chaqiriwatqan bir peytte, rusiye bash ministiri wladimir putin, rusiyining abxaziye we jenubiy ossétiyidiki herbiy qisimlirini chékindürüsh toghrisida peqet rusiye, jenubiy ossétiye we abxaziye hökümetliri qarar béreleydu, dep körsetti.
Muxbirimiz ömer qanat
2008-09-20
Share

 Amérika birlesh agéntliqining xewer qilishiche, rusiye bash minstiri putin shenbe küni moskwada bergen bayanatida, rusiyining jenubiy ossétiye we abxaziye etrapidiki rayonlardin herbiy qisimlirini chékindüridighanliqini tekitligen. Lékin jenubiy ossétiye we abxaziyidin qoshun chikindürüshning alahide bir mesile ikenlikini bildürgen.

Siyasiy mulahizichilerning éytishiche, rusiye bash ministirining mezkur bayanati, rusiyining gherb döletlirining teleplirige pisent qilmighanliqini körsitidiken.

Amérika we yawrupa ittipaqi rusiyining herbiy qisimlirining ötken ay groziye bilen urush bashlashtin burunqi chégrisigha chékindürüshini telep qilmaqta.

Bayanatida, rusiyining jenubiy ossétiye we abxaziyini rusiye térritoriyisige qoshuwétish niyiti yuqliqini tekitligen rusiye bash ministiri putin, gherb döletlirining féwral éyida kosowaning musteqilliqini étrap qilishi arqiliq, rusiyining abxaziye we jenubiy ossétiyining musteqilliqini étrap qilghanliqigha qarshi söz qilish salahiyitini yoqatti dep körsetti.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.