Путин өзиниң парламент әзалиқ салаһитидин ваз кәчти


2007.12.13

Русийә президенти владимир путин 13- ноябир күни өзиниң русийә думасиниң әзалиқ салаһийитидин ваз кәчкән. Бу хәвәрни русийә мәркизий сайлам комитети испатлиған болуп, техи буниңдин бир һәптә илгири өткүзүлгән русийә парламент сайлимида путин парламент әзалиқиға сайланған. Хәвәрләрдин қариғанда, владимир путин өз орнини русийә бирлик партийиси мәркизий комитетиниң әзаси кавковға өтүнүп бәргән.

Бу вәқә русийә мәтбуатлириниң бирдинла ғул - ғулисини қозғиған болуп, 10- декабир күни путин өз из басари сүпитидә биринчи муавин баш министир димитрий медведийевни таллиған иди. Путин 42 яшлиқ мәзкур президент намзати билән 17 йиллиқ достлуқ вә һәмкарлиқ тарихи барлиқини йошурмиған болуп, "гәп аңлайдиған, яваш характерлиқ" адәм дәп тәриплиниватқан медведийев әгәр өзиниң президент сайлимида утуп чиқса, путинни баш министир қилидиғанлиқини җакарлиған. Бирақ, путин бу қетим өзиниң парламент әзалиқидин ваз кечип, уни башқа адәмгә өтинип бәргәндин кейин, русийә мәтбуатлири бәлки путинниң йәнә башқа бирсини президент намзати қилиши мумкинликини пәрәз қилмақта.

Бу күни йәнә дуня шаһмат чемпийони, өктичи рәһбири гарри каспаровнму өзиниң президент намзитидин ваз кәчкәнликини елан қилған. Нөвәттә, русийидә путинниң 3- қетим вәзипә өтүшини тәләп қилидиған күчләрму көпәймәктә. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.