Mutexessisler ":potin meyli qandaqla hoquq tutmisun rossiye hakimiyitige zor tesir körsitidu"

17 - Dékabir düshenbe küni rossiye prézidénti wiladimér putin gerche 2008 - yili 2 - martta ötküzülidighan rossiye prézidént saylimidin kéyin, bash ministirliq wezipisini üstige élishqa maqulluq bildürüp, saylamdin kéyin prézidént bilen bash minstir ottursida hakimiyet bashqurush wezipisini bashqidin ayrish yüz bermeydighanliqini bildürgen bolsimu emma, nurghunlighan ros mutexessisliri emeliyetning bashqiche bolidighanliqini bildürgen.

Rusiyining uchurlirigha qarighanda, 10- dékabir küni putin öz iz basari süpitide birinchi mu'awin bash ministir dimitriy médwédiyéwni tallighan hemde prézidént namzati bilen 17 yilliq dostluq we hemkarliq tarixi barliqini yoshurmighan.

Médwérdiyéw eger özining prézidént saylimida utup chiqsa, putinni bash ministir qilidighanliqini jakarlighan. 17 - Dékabir küni putinning bash ministirliq wezipisini ret qilmaydighanliqini ipadilishi, rossiye prézidént saylimidin kéyin kimning heqiqiy hakimiyet bashqurush mesilisi ghulghula qozghimaqta.

Xewerde rusiye mutexessisi nikonofning qiyaslirini neqil élip körsitishiche, dimitriy médwédiyéw prézidént bolghan halette putin bash ministir bolidu, bu emeliyette rusiyide bash ministir heqiqiy hakimiyet bashquridighan rehberlik sistémisining yolgha qoyilidighanliqidin dérek béridu. Putin buningdin bir ay ilgiri ötküzülgen rusiye birlik partiyisining qurultiyida öz partiyisining parlamént saylimida ghelibe qilishi hemde prézidéntliq möhliti toshqandin kéyin bash ministirliq wezipisini bolsimu qolgha keltürüp, rusiyini dawamliq idare qilishni xalaydighanliqini bildürgen idi. (Gülchéhre)