Rusiye prézidénti türkiyini ziyaret qildi


2004-12-06
Share

Türkiyini ziyaret qiliwatqan rusiye prézidénti wiladémir putin düshenbe küni enqerede türkiye dölet rehberliri bilen uchriship, ikki döletning siyasiy we iqtisadiy hemkarliqni kücheytidighanliqini bildürdi. Rusiye bilen türkiye ilgiri öz ara düshmenliship kelgen döletler idi.

Wiladémir putin yekshenbe küni türkiyige yitip kelgen bolup, u türkiyini ziyaret qilghan rusiyining tünji prézidénti bolup hésablinidu.

Roytirs axbarat agéntliqining xewirige qarighanda, wiladémir putin enqerede türkiye prézidénti exmed nejdat sezer bilen söhbet ötküzgendin kiyin, muxbirlarni kütüwélish yighinida "biz ikki dölet hemkarliqini her bir sahege kéngeytishni qarar qilduq", dégen.

Mölcherleshlerge qarighanda, putin ziyariti jeryanida türkiye bilen dölet mudapi'e, énérgiye we soda jehette alte türlük hemkarliq kélishimini imzalap, ikki döletning küchiyiwatqan iqtisadiy hemkarliqini yenimu ilgiri süridu.

Rusiye prézidénti putin düshenbe küni kechte türkiye bash ministiri tayip erdoghan bilen söhbet ötküzidighan bolup, söhbette térrorchiliqqa qarshi urush we chéchen mesilisini öz ichige alghan bir qatar mesililerning muzakire qilinidighanliqi mölcherlenmekte. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet