Росийә вә хитай, икки дөләт оттурисида бихәтәрлик мәслиһәтлишиш механизми қуридиғанлиқини җакарлиди


2005-02-02
Share

Чаршәнбә күни, москвада учрашқан русийә президенти владимир путин вә хитай дөләт комиссари таң җяшүән, икки дөләт оттурисида бихәтәрлик мәслиһәтлишиш механизими қуруп, һәрбий вә бихәтәрлик җәһәттики һәмкарлиқини күчәйтидиғанлиқини җакарлиди.

Америка бирләшмә агентлиқиниң хәвәр қилишичә, таң җяшүән, президент путинға, бейҗиң һөкүмитиниң һазирға қәдәр һечқандақ дөләт билән бихәтәрлик мәслиһәтлишиш миханизми орнатмиғанлиқини тәкитләп, русийини истратегийилик һәмкарлиқ мәсилисидә хитайниң асаслиқ ширики дәп көрсәткән.

Униң ейтишичә, русийә вә хитай хәлқара вәзийәт вә район характерлик мәсилиләр шундақла тинчлиқни қоғдаш вә дуняниң тәрәққиятиға һәссә қошуш қатарлиқ мәсилиләрдә асасән охшаш көз қарашқа игә икән.

Русийә президенти путин, хитай билән русийә оттурисидики һәмкарлиқниң күнсери күчийиватқанлиқини тәқдирләп, икки дөләт оттурисида сиясий, иқтисадий, бихәтәрлик вә һәрбий җәһәттики һәмкарлиқиниң тиздин тәрәққи қиливатқанлиқини тәкитлиди.(Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт