Rusiye - xitay sodisi rusiyige paydisiz bolmaqta
2007.12.30
2007 - Yili rusiye bilen xitay arisidiki sodida tengpungsizliq körülgen bolup, gerche ikki dölet soda miqdari ashqan bolsimu, lékin bir qisim saheler boyiche xitay közligen meqsitige yételmigen.
Rusiye agéntliqlirining xewer qilishiche, rusiye -xitay iqtisadiy hemkarliqliri mutexessisliri bu yilqi ikki dölet sodisini xulasilap, 2007- yili rusiye bilen xitayning énérgiye sodisida xitayning közligen meqsitige yételmigenliki, énérgiye sodisi yeni rusiyining xitaygha satqan néfitlirining miqdarining ötken yilidikidin köp töwenlep ketkenlikini bildürgen. Biraq, rusiyining néfit sodisi ötken yilidin ashqan bolup, u asasliq néfitlirini xitaydin bashqa döletlerge éksport qilghan.
Gérmaniye rusiyining birinchi soda shériki bolup, xitay gollandiyidin qalsa üchinchi shérikidur. Rusiye xitay karxanichilar jem'iyitining bashliqi kitofning éytishiche, nöwette, rusiye-xitay sodisi rusiyige paydisiz yönilishke qarap mangghan. U " ikki dölet sodisining miqdari éshiwatqan bolsimu, lékin rusiyining énérgiye mehsulatliri we xam eshyalirining xitayning her xil tawarlirigha almashturush halitige qalghanliqini tekitlep, buning emeliyette rusiye üchün yaxshi ehwal emeslikini körsetken.
Rusiye yiraq sherq institutining tetqiqatchisi porzhakowning qarishiche, xitay 2007- yili rusiyige özining téxnika mehsulatlirining sétishni ashurghan bolup, bularning ichide a'ile éléktir saymanliri we aptomobillar bolghan. Uningdin bashqa yene altun buyumlarning ékisportini ashurghan. Bu rusiyining renglik métal sodisi üchün riqabet peyda qilghan. Porzhakow, hazir rusiye-xitay sodisida rusiye üchün paydisiz weziyet shekillen'genlikini, biraq buning ikki dölet munasiwetlirige tesir yetküzelmeydighanliqini eskertken.
Biraq, rusiye xitaygha satidighan néfit miqdarini 2007 - yili azlatqan. Shundaqla xitaymu bu yil rusiyidin aldighan éléktirni toxtatqan. Ular arisidiki tebi'iy gaz soda bahasi söhbitide ilgirilesh bolmighan. Bu yil yene rusiye tebi'iy gaz shirkitining qarshi turushi bilen xitay saxalin arilining tebi'iy gazlirini sétiwélishtin mehrum qalghan. (Ümidwar)
Munasiwetlik maqalilar
- Rusiyide prézidént saylash pa'aliyiti resmiy bashlandi
- Xitay - amérika kéler ay dora bixeterlikini bashqurush kélishimi tüzeshni qarar qildi
- Rusiye kolléktip bixeterlik kélishimige eza döletlerge erzan bahada qoral-yaraq sétip béridu
- Dunya soda teshkilati xitayda eqliy mülük hoquqi mesilisi buyiche tekshürüsh élip bérishqa bashlidi
- Xu jintaw awstraliye ziyaritini bashlidi
- Yawrupa birliki xitayni mehsulatlirining süpitini yuqiri kötürüsh jehette agahlandurdi
- Xongkong sodigerliri amérika bilen xitay otturisidiki soda jéngining "qurbani bolush"tin ensireydu
- Amérika dunya soda teshkilati xitaydin neshir hoquqini qoghdashta jiddi tedbir élishni telep qildi
- Rusiye xitay bilen aptomobil qurashturush kélishimi imzalashni ret qilghan
- Xitay armiyisi Uyghur ili arqiliq rusiyige yétip bérip manéwir teyyarliqi körmekte
Köp körülgen xewerler
RFA
- Uyghurlar “Jungxu'a milliti” emes, xitay éytimidiki “Anarning danisi” mu emes!
- Doktor erkin sidiq: “Pa'aliyitimiz arqiliq Uyghurlarning yoqap ketmigenlikini we yoqap ketmeydighanliqini ispatlaymiz!”
- Almutadiki Uyghur jama'iti 1-öktebir “Matem küni” de weten shéhitlirini yad etti
- Xitayning mustemlike ma'aripida yoq qiliniwatqan Uyghur tili
- Yaponiye we awstraliyede xitayning Uyghur élini bésiwalghanliqining 75 yilliqigha naraziliq bildürüldi