پېرۇ خىتايدا ياسالغان 60 توننا ئويۇنچۇقتا زەھەرلىك ماددا بايقىغان


2007-08-11
Share

پېرۇ ساقچىلىرى يېقىندا، قانۇنسىز يول بىلەن چېگرادىن كىرگۈزۈلگەن بالىلار ئويۇنچىغىدا خىمىيىلىك زەھەرلىك ماددا بايقىغان .

پېرۇ سەھىيە ئورۇنلىرىنىڭ تەكشۈرۈش نەتىجىسىدىن قارىغاندا، ئويۇنچۇقلاردا ئوخشىمىغان خىمىيىلىك زەھەرلىك ماددىلار بايقالغان بولۇپ، 60 توننىدىن ئارتۇق بۇ ئويۇنچۇقلارنىڭ ھەممىسى خىتايدا ياسالغان ئىكەن.

پېرۇ ساقچىلىرىنىڭ ئاشكارىلىشىچە، ئويۇنچۇقلار خىتايدىن مالايشىيا ۋە تەيۋەنلەر ئارقىلىق پېرۇغا ئېلىپ كېلىنگەن. ئويۇنچۇقلارغا ساختا بەلگۈلەر يەنى خىتايدىن باشقا دۆلەتلەردە ئىشلەنگەن ماركىلار چاپلانغان.

ستاتىسكىلىق مەلۇماتلارغا قارىغاندا، خىتاينىڭ ئويۇنچۇقلىرى 2000 ‏- يىلى پېرۇ بازىرىنىڭ % 5 . 56 نى ئىگىلىگەن بولۇپ، نۆۋەتتە % 1 . 78 كە يەتكەن.

بۇ ئارىدا خىتاي ھۆكۈمەت دائىرىلىرى ئۆزلىرىنى ئاقلاپ، خىتايدا ياسالغان ئويۇنچۇقلارنىڭ ئېكىسپورت قىممىتىنىڭ 7 مىليارد ئامېرىكا دوللىرىدىن ئاشىدىغانلىقىنى، 160 دۆلەتكە ئېكىسپورت قىلىنغان ئويۇنچۇقلارنىڭ ناھايىتى ئاز قىسمىدا سۈپەت مەسىلىسى كۆرىلىدىغانلقىنى بىلدۈردى.

مۈتەخەسىسىسلەر، خىتاي ياسالغان ئويۇنچۇقلاردا بايقالغان زەھەرلىك ماددىلار، يالغۇز خىتاينىڭ سودىدىكى ئابرويىغا تەسىر يەتكۈزۈپلا قالماستىن ، بەلكى نۇرغۇن دۆلەتلەردە بالىلارنىڭ سالامەتلىكىگە ئېغىر تەھدىت ئېلىپ كېلىدىغانلىقىنى ئوتتۇرىغا قويۇشماقتا. (ئۆمەر قانات)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت