Xitayda ishlen'gen oyunchuqlarni bazardin qayturush heqqide üchinchi qétim élan chiqti


2007-09-05
Share

Asiya -tinch okyan hemkarliq teshkilati döletliri bashliqliri yighinda, amérika prézidénti jorj bush bilen xitay re'isi xu jintawmu muhim konkrét mesililerde sözlishish aldida turghanda, amérikining mattél oyunchuq shirkiti 9 ‏- ayning 5 ‏- küni üchinchi qétim bazardin qayturulidighan oyunchuq tizimlikini élan qildi.

Bu qétim bazardin qayturulidighan oyunchuq jem'i 11 xil bolup, amérika bazirigha sélin'ghan 530 ming dane, xelq'ara bazarlirigha sélin'ghan 320 ming danini qoshqanda jem'i 850 ming dane. Buning hemmisi ishletken matériyallarning terkibide qoghushun miqdari yuqiri bolghan oyunchuqlar.

Birleshme agéntliqining xewer qilishiche, buningdin burun mattél oyunchuq shirkiti ikki qétim oyunchuq yighiwélish élani chiqarghan idi. 8 ‏- Ayning 8 ‏- küni ikkinchi qétim élan chiqarghanda, bazardin qayturulidighan oyunchuq sani 21 milyon'gha yetken idi. Buning %80 xitay shirketliride ishlen'gen.

Xewerde bayan qilinishiche, xitay hökümitining mehsulat süpitini tekshürüsh bash idarisining emeldari wang shin buninggha qarita inkas qayturup 'biz bu towarlarning qaysibiri junggoda ishlen'genlikini tepsiliy tekshüriwatimiz' dégen. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet