Яврупа иттипақи бихәтәр болмиған хитай мәһсулатлириға қарита йәнә бир қетим агаһландуруш бәрди


2007-09-13
Share

яврупа иттипақи , хитай маллири әгәр сақлиқ вә бихәтәрлик җәһәттә елип барған тәкшүрүш буйичә , йәнә тәкшүрүштин өтәлмисә келәр ай импорт қилишни тохтитидиғанлиқини билдүрди.

яврупа истималчиларниң мәнпәәтини қоғдаш комитетиниң рәиси мегелина куниваниң ейтишичә, яврупа иттипақи хитайдин киргүзүлгән малларниң бихәтәрликидин гуманланғандин кейин, хитайға қарита мәхсус доклат йоллап , "әгәр хитайдин импорт қилинған мәһсулатларда йәнә мәсилә көрүлсә, хитайдин мәһсулат киргүзүшни қәтий тохтитидиғанлиқини" қарар қилған.

Өткән ай, хитай һөкүмити яврупа иттипақидин бихәтәр болмиған йимәклик вә балилар оюнчуқини қайтурувалған болуп, қайтурвитилгән оюнчуқлар бихәтәр болмайла қалмай, чиш пастисида химийилик зәһәрлик мадда байқалған , булардин сирт йәнә , өй һайванлириниң озуқлири вә су мәһсулатлиридиму зәһәрлик мадда байқалған.

яврупа иттипақиниң йимәктин башқа мәһсулатларни тәкшүрүш оргининиң тәкитлишичә, 2006 ‏- йили хитайдин импорт қилинған мәһсулатларниң %48 идә һәр хил мәсилә байқалған болуп, хитай мәһсулатларниң сүпити җәһәттә еғир мәсилә көрүлгән дөләтләр қатарида биринчи орунда туридикән. Һалбуки иккинчи орунда туридиған германийә мәһсулатлириниң аран %2 идә сүпәт мәсилиси байқалған. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт