Америка муавин прездент кандидатлири телевизорда муназирә елип барди


2004.10.06
Share on WhatsApp
Share on WhatsApp

Америка муавин презденти дик чәни билән димукратлар партийисидин килип чиққан кеңәш палата әзаси җон әдверт сәйшәнбә күни кәчтә охайо штатида, бу қетимқи прездент сайлимидики бирдинбир муавин прездент намзатлириниң телевизийә муназирисини елип барди.

90 Минотлуқ муназиридә, икки кандидат ирақ уруши, дөләт бихәтәрлики вә дөләт ичидики бәзи мәсилиләр бойичә өз көз қарашлирини оттуриға қойди. Муназиридә, дик чени димукратлар партийисиниң прездент намзати җон кәррийни ирақ урушидики мәйдани өзгүрүшчан дәп тәнқидлиди. Җон әдверт болса, дик ченини ирақ уруши мәсилисидә америка хәлқигә техичә расит гәп қилмиди дәп әйиплиди.

Америка презденти җорҗ буш билән димукратлар партийисиниң прездент намзати җон кәррий җүмә күни иккинчи қетимлиқ телевизийә муназирисини елип бариду. Һазирқи бәзи хәлқ райини синашларға қариғанда, сайлиғучиларниң икки кандидатни қоллаш дәриҗиси бир биридин қелишмайдикән. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.