Sherqiy jenubiy asiya döletliri xitayning herbiy tereqqiyatidin endishe qilmaqta


2007.08.12
Share on WhatsApp
Share on WhatsApp

Gerche xitay hökümiti, amérikining iraqtiki meshghuliyitidin paydilinip, sherqiy jenubiy asiya rayonida siyasiy tesir da'irisini kéngeytish yolida belgilik ghelibilerge irishken bolsimu, emma rayondiki döletlerning xitayning herbiy pilanliridin endishe qiliwatqanliqi bildürülmekte.

Franisye agéntliqning xewer qilishiche, ötmüshte siyasiy , iqtisadiy we medeniyet, ma'arip we chet döletlerge qaritilghan yardem jehetlerde amérikining küch merkizi hésablan'ghan sherqiy jenubiy asiya rayonida, bügün xitayning pa'aliyetliri téximu köpeygen.

Siyasiy mulahizichilerning éytishiche, amérika, kommunizimgha qarshi turush üchün 40 yil burun sherqiy jenubiy asiya döletler ittipaqining qurulushigha muhim hesse qoshqan idi. Lékin bügün bu teshkilatta, xitay hökümitining tesiri künsiri kücheymekte. Ularning éytishiche, xitay shundaqla sherqiy jenubiy asiya döletler ittipaqining ramkisi ichide bu teshkilatqa eza döletler bilen nurghunlighan hemkarliq kélishimliri imzalighan.

Bolupmu, 2001‏- yili 11‏- sintebirdin kéyin, amérika hökümitining sherqiy jenubiy asiya dölet puqralirining sayahet, tijaret we oqush üchün amérikigha kirish shertlirini éghirlashturushi bilen birlikte, xitay hökümiti rayon xelqini özige tartish üchün heriketke atlan'ghan.

Emma mutexessislerning éytishiche, gerche xitay hökümiti sherqiy jenubiy asiyada ijabiy bir obraz tiklesh we tesir da'irisini kéngeytish üchün nurghun teshebbuslarda bolghan bolsimu, emma rayonda xitaygha bolghan selbiy köz qarash dawamlashmaqta bolupmu xitay hökümitining armiyisini tereqqiy qildurup, herbiy xamchotini köpeytishi, rayondiki döletlerning gumanini qozghimaqta. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.