Shimaliy koriye amérikidin isra'iliyige oxshash imtiyaz bérishni telep qildi

• 
  2005-10-23

Shimaliy koriye yekshenbe küni amérika hökümitige yéngi teleplirini qoyup, amérika hökümitining shimaliy koriyige isra'iliyige oxshash imtiyazlirini bérishni telep qildi.

Shimaliy koriyining hökümet géziti bolghan "emgek xewiri" bu heqte élan qilghan bash maqalisida, amérikini shimaliy koriye bilen isra'iliyige ikki xil ölchem qoyghan dep eyiblep, "amérika yadro tereqqiyat mesiliside, isra'iliyige yan basti hetta uning bilen hemkarlashti. Shimaliy koriye buni qobul qilmaydu hemde amérikining yadro mesilisige ikki xil ölchem tutushigha yol qoymaydu" dep yazghan.

Maqalida yene, isra'iliyining xelq'ara yadro qorallirini kéngeytmeslik shertnamisigha xilap halda, yadro qorallirini mexpiy saqlawatqanliqi, isra'iliyining ittipaqdishi bolghan amérikining, shimaliy koriyige isra'iliyige oxshash mu'amile qilishi kérekliki yézilghan.

Shimaliy koriye yadro mesilisini hel qilish meqsitide élip bériliwatqan 6 dölet söhbitining dawami kéler hepte béyjingda échilishqa békitilgen. (Peride)