Shimaliy koriyining yadro bomba siniqi xelq'ara jem'iyetni chüchütti


2006.10.09
Share on WhatsApp
Share on WhatsApp

Shimaliy koriye düshenbe küni muwappeqiyetlik halda tunji yer asti yadro siniqi élip barghanliqini jakarlap, yadro siniqida radi'aktipliq bulghinish weqeliri körülmigenlikini élan qildi. Bu heqtiki xewiride "yadro siniqi koriye yarim arili we rayonning tinchliqi we muqimliqini qoghdashqa paydiliq "dep tekitligen shimaliy koriye merkizi axbarat agéntliqi, yadro siniqini "tarixiy weqe " dep atidi.

Jenubiy koriye da'irilirining eskertishiche, yadro siniqi bu döletning sherqiy shimalidiki bir tagh baghrigha jaylashqan öngkürde élip bérilghan. Prézidént bush shu küni yadro siniqini "ighwagerchilik heriket " dep eyiblidi. U, shimaliy koriyining tehditige qarshi " dunya choqum inkas qayturidu " deydu.

Prézidént bushning eskertishiche, u jenubiy koriye, yaponiye, xitay we rusiye rehberliri bilen bu mesile toghrisida pikir almashturghan. Xitay, shimaliy koriye yadro siniqigha qarshi turidighanliqini bildürdi.

Amérika bilen yaponiye b d t xewpsizlik kéngishige shimaliy koriyini jazalash teklipi sunushi mumkin. Lékin küzetküchilerning eskertishiche, xitay bilen rusiyining bu teklipni qollash- qollimasliqigha hazirche bir néme dégili bolmaydiken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.