Shimaliy koriyining yadro siniqi xelq'arada küchlük inkas qozghidi

• 
  2006-10-10

Shimaliy koriyining düshenbe küni élip barghan yer asti yadro siniqi xelq'ara jem'iyetning qattiq inkasini qozghimaqta. Amérika prizidénti jorj bush shundaqla yaponiye , rusiye , jenubiy koriye qatarliq döletlerning rehberliri "shimaliy koriyining bu herikitini xelq'araning tinchliqi we bixeterlikige bolghan bir tehdit " dep körsetmekte.

Xitaymu özining shimaliy koriyining radi'o siniqigha qarshi turidighanliqini bildürmekte. Xitay hökümiti seyshenbe künidin bashlap özining shimaliy koriyige bolghan bésimini kücheytish bilen bir waqitta, özining birleshken döletler teshkilatining shimaliy koriyini jazalishighimu qoshulushi mumkinlikini bisharet qilmaqta.

Xitay tashqi ishlar ministirining bayanatchisi lyu jyenchaw seyshenbe küni échilghan muxbirlarni kütiwélish yighinida, " xitay héchqachan héchqandaq shekilde shimaliy koriye bilen yadro siniqi heqqide hemkarliship baqmighan" dep tekitlep, birleshken döletler teshkilatining bu heqte muwapiq halda jiddiy chare ‏- tedbirlerni qollinishi kéreklikini bildürgen.

Gerche xitay shimaliy koriyining yadro siniqi élip bérishigha qattiq qarshiliq bildürüp kéliwatqan bolsimu, lékin xitay rehberliri ta hazirghiche shimaliy koriyige bolghan yardimini we soda bérip‏-kélishini toxtatmighan.

Birleshken döletler teshkilati xewpsizlik kéngishi shimaliy koriyini düshenbe küni élip barghan yadro siniqi tüpeylidin qattiq eyiblidi. (Méhriban)