Sabiq hindonéziye prézidénti suxarto wapat boldi


2008-01-27
Share

Yekshenbe küni sabiq hindonéziye prézidénti suxarto uzun mezgillik késellik sewebidin 86 yéshida wapat boldi. Hindonéziye hökümiti suxartoning wapati munasiwiti bilen pütün memliket boyiche matem tutush qararini chiqarghan bolup, u düshenbe küni depne qilinidu. Hindonéziye prézidénti pütün memliket xelqini suxarto üchün teziye bildürüshke chaqirghan. Uning ewladliri bolsa xelqtin suxartoning hayatida ötküzgen qattiq qolluqlirini kechürüshni telep qilghan.

Suxarto hazirqi zaman dunya tarixida maw zédong, jang keyshi, stalin we bashqa diktaturlargha oxshash eng uzun hakimiyet sürgen dölet bashliqlirining biri bolup, u hindonéziyini 32 yil idare qilghan.

Suxarto heqqide türlük bahalar mewjut bolup, hindonéziyiliklerning köz qarashliri her xil. Lékin, uning hindonéziye xelqini kembeghelchiliktin qutuldurup döletni güllendürüsh we zamaniwilashturush, iqtisadiy jehette tereqqi qildurush hemde dölet muqimliqini qoghdash jehetlerde zor töhpe qoshqanliqi mu'eyyenleshtürülmekte. Uni bir qisim kommunistlar yaxshi körmeydu. Sewebi u, 1967-yili hindonéziyide küchiyip kétiwatqan kommunistlarning herikitige zerbe bérip, keng kölemlik tazilash élip barghan. Netijide, 500 mingdin artuq ademning ölüshi we weyran bolushi kélip chiqqan, tarixiy melumatlargha qarighanda, mezkur kommunistlarning köpinchisi xitay köchmenliri hem hindichiniliqlar bolup, xitay köchmenliri bu dölette turush hoquqigha érishkendin kéyin, asta-asta döletning iqtisadi we siyasiy hoquqigha xiris qilghan.

Shuning bilen suxarto keng kölemde xitay kommunistliri we köchmenlirini tazilash élip barghan idi. Öktichiler suxartoning siyasiy köz qarishi oxshimighan kishilerni qanliq basturghanliqi üchün uni sotlashni telep qilghan bolsimu lékin, bu emelge ashmighan. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet