Pakistan bashqurulidighan bomba sinaq qildi

Pakistan peyshenbe küni, tunji bashqurulidighan bombini ghelbilik sinaq qilip, dunyada mezkur qoralni yasash iqtidarigha ige döletler qoshunigha qétildi.

Pakistan prézidénti perwiz musherrep, yadro oq uchi toshiyalaydighan we babur- 7 dep atalghan bashqurulidighan bombining ghelbilik sinaq qilin'ghanliqini medhiyilep, uni pakistanning mudapi'e programmisida chong bir burulush dep körsetti.

Xewerlerge qarighanda, pakistan bashqurulidighan bombini sinaq qilidighanliqi toghrisida hindistanni aldin xewerlendürmigen. Wehalenki ötken heptining axirida hindistan bilen pakistan tesadipiy weqelerning aldini élish üchün, bashqurulidighan bomba sinaqlirini bir- birige aldin xewer bérish heqqide bir kélishim imzalighan.

Pakistan axbarat ministiri sheyx rashid, peyshenbe küni ötküzülgen bashqurulidighan bomba siniqi, pakistan pen alimlirining, prézidént perwiz musherrep hemde pakistanning musteqilliq küni üchün teyyarlighan bir sowghisi hésablinidu, didi.

Peyshenbe küni, perwiz musherrep özining -62 tughulghan künini, pakistan xelqi bolsa, pakistan döliti qurulghanliqining 58 yilliqini xatiriligen. (Qanat)