Awstraliye bilen xitay kishilik hoquq söhbiti ötküzdi


2005-06-27
Share

Awstraliye hökümiti düshenbe küni xitay bilen kishilik hoquq mesilisi boyiche söhbet ötküzüp, kishilik hoquq mesilisige yatidighan 36 diloni otturigha qoydi.

Birleshme axbarat agéntliqining xewer qilishiche, awstraliye - xitay kishilik hoquq söhbiti 6 sa'et dawam qilghan bolup, söhbet témisi keng da'irilik mesililerge chétilghan. Her ikkila terep söhbetning chongqur we semimiy élip bérilghanliqini bildürmekte. Emma söhbet ötküzgen terepler, söhbetning tepsili ehwalini ashkarilashni xalimidi.

Xitaydiki awstraliye elchixanisi söhbet bashlinishtin sel ilgiri, xitay - awstraliye kishilik hoquq söhbiti ishchilar hoquqi, ayallar hoquqi, diniy erkinlik, siyasi öktichiler we falun'gong muritlirining ehwali qatarliq témilargha chétilidu, dep körsetken.

Xitay- awstraliye kishilik hoquq söhbitini tenqid qilghuchilar, söhbetni emili ehmiyitidin köprek shekilwazliqqa ige, dep tenqid qilmaqta. Bu arida xitay tashqi ishlar ministir yardemchisi shin gofang, xitay da'irilirining awstraliydiki Uyghurlar, tibetler, xitay démokratlar we falun'gong muritilirining herikitini nazaret qilish üchün jasusluq tori qurghanliqini aqlidi. Shin gofang, jonggo hökümitining chet'eldiki falun'gong muritlirining herikitini tosush mes'uliyiti bar, aqlidi. U, bu sözni xitay - awstraliye kishilik hoquq söhbitidin kéyin ötküzgen muxbirlarni kütüwélish yighinida tekitligen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet