Amérika xitayning herbiy qurulushidin endishe qiliwatqan bir peytte, amérika bilen xitayning yuqiri derijilik emeldarliri washin'gtonda istratégiyilik söhbet élip bardi.
Fransiye axbarat agéntliqining xewirige qarighanda, amérika mu'awin tashqi ishlar ministiri robért zolik we xitay mu'awin tashqi ishlar ministiri dey binggo charshenbe küni bir arigha kélip, ikki terep munasiwiti, asiya we xelq'ara mesililer boyiche ikki künlük söhbitini bashlidi.
Amérika tashqi ishlar ministirliqidiki bir xadimning bildürüshiche, bu söhbet bu yil 8 - ayda béyjingda bashlan'ghan istratégiyilik söhbetning dawami hésablinidu.
Amérikining mu'awin tashqi ishlar ministiri robért zolik bu yil séntebirde döletlik amérika- xitay munasiwetliri komitétida qilghan nutiqida xitayning herbiy xirajetlirining ochuq- ashkara bolmasliqining döletlerde guman qozghaydighanliqini bildürüp," nurghun döletler xitayning tinchliq bilen bash kötirishni xalaydu. Emma héchkim özining teqdirini uninggha do tikmeydu" dep körsetken idi. U shundaqla xitayni démokratiyini qubul qilip, xelq'ara sistémidiki mes'uliyetchan bir eza bolushqa chaqirghan. (Arzu)
Munasiwetlik maqalilar
- Elfidar iltebir amérika Uyghur birleshmisining yéngi nöwetlik re'islikige saylandi
- Ghuljada türmidin chiqqan yaqup hesen harpa küni, oghli bilal yaqup héyt küni tügep ketken
- Shangxey kochiliridiki sergerdan Uyghur yigiti we xitay zawutlirigha yötkelgen Uyghurlar
- B d t emeldarining xitayning Uyghurlar heqqidiki saxta teshwiqatlirigha masliship, xitaydin 200 ming dollar pul alghanliqi ashkarilandi
- En'giliyediki bir teshkilat en'gliyening Uyghur élidiki wehshilikke chétishliq xitay saqchi organliri bilen bolghan alaqisini pash qildi
