Somali hökümet armiyisi we éfi'opiye armiyisi musulmanlar qoshunini chékindürdi

2006-12-26
Élxet
Pikir
Share
Print

B b s agéntliqining xewer qilishiche, somalida dawamlishiwatqan musulman qozghilangchilar qoshuni somali hökümet armiyisi bilen éfi'opiye armiyisining birleshme hujumliri tüpeylidin seyshenbe künidin étibaren chékinishke bashlighan.

Somali hökümet we éfi'opiye armiyisi somali islam qanuniy birleshmisi dep atalghan qozghilangchi qoshunlar igiliwalghan paytext ayrodromigha qistap kelgen hemde éfi'opiye ayropilanliri hawa hujumi élip barghan.

Somali paytexti mozadisha islam qanuni birleshmisi teripidin alte ay ilgiri igilen'gen bolup, ular éfi'opiye qoshunliri bilen jeng qilip kelmekte, chünki éfi'opiye ötkünchi somali hökümitini qollighan.

Somalining jenubi asasen dégüdek musulman qozghilangchiliri teripidin igilen'gen bolup, xristiyan dinidiki éfi'opiye izchil halda somali hökümitini qollap, musulman qoshunlirigha qarshi urush qilmaqta. Bir heptilik urush jeryanida mingdin artuq adem ölgen.

Seyshenbe küni afriqa birleshmisi hem ereb döletliri birleshmisi somali mesilisini muzakire qildi.(Ümidwar)

Pikirler (0)
Share
Toluq bet