Jorj bush omumiy weziyet heqqide nutuq sözlidi

Amérika prézidénti jorj bush charshenbe küni kechte amérika dölet mejliside, dölet ichi we xelq'ara weziyet heqqide pütün memliketke nutuq sözlidi.

U bir sa'etlik nutuqida, amérikining dölet ichidiki fédéral ijtima'iy sughurta tüzümi islahati, urushtin kéyinki iraqning démokratiyilishish ehwali, iran we shimaliy koriyining yadro pilani qatarliq bir qatar mesililer heqqide toxtaldi. Xelq'ara mesililerde, jorj bush démokratiyining muhimliqini qayta tekitlidi.

U iraq we pelestinlerde yéqinda ötküzülgen saylamlargha yuqiri baha bérip, amérikining choqum ottura sherq we bashqa rayonlarda démokratiyini ilgiri süridighanliqini bildürdi. U sözide: "amérika choqum térrorchilarni himaye qilghan, keng kölemlik qirghinchiliq xaraktérlik qorallargha ige bolushqa urun'ghan dölet hakimiyetliri bilen qattiq élishidu" - dédi.

U yene, iranning yadro mesiliside toxtilip, iranni térrorchiliqni qollawatqan döletlerning kattiwéshi dep körsetti we amérikining erkinlik we démokratiyige intilgen iran xelqi bilen bille ikenlikini bildürdi.

Amérika prézidénti jorj bushning nutuqi axirlashqandin kiyin, amérika dölet parlaméntidiki démokratchilar partiyisining ezaliri, özlirining oxshash bolmighan köz qarashlirini izahlap, bushning iraqtin qoshun chékindurush pilanini otturigha qoymighanliqini tenqidlidi. (Arzu)