Qazaqistan aq yol partiyisi re'isi altunbékning öltürülüsh dilosi murekkepleshmekte


2006.02.23

Qazaqistan saqchi da'iriliri qazaqistan parlaménti kéngesh palatasining aliy derijilik xadimi erjan utembayifni aqyol partiyisining re'isi altunbék sersanbayifning öltürülüshige chitishliq dep qolgha alghandin kéyin, qazaqistan öktichi herikitining rehberliri, qazaqistan parlamintining re'isi abikayifni istipagha chaqirdi.

Amérika birleshme agéntliqining 23 ‏- féwral küni bergen xewirige qarighanda, qazaqistan siyasiy öktichiliri, 11‏- fiwral küni öltürülgen sersanbayifning siyasiy süyiqestning qurbani bolghanliqini bildürmekte. 43 Yashtiki sersenbayif almatada qoghdighuchisi we shopuri bilen birlikte öltürülgen.

Qazaqistan öktichi herikitining rehberliri 23‏- fiwral küni bir bayanat élan qilip, erjan utembayifning, sersanbayifni öltürülüsh herikitini pilanlash iqtidarigha ige emeslikini tekitlep, qazaqistan parlamint re'isi nurtay abikayifning derhal wezipisidin istipa bérishini telep qildi. Abikayif burun qazaqistan milliy bixeterlik kéngishining re'islik wezipisini ötigen idi.

Buningdin sirt qazaqistan siyasiy öktichiliri yene , charshenbe küni sersanbayifning öltürülüshi sewebidin prézidént nazarbayifning qizi darigha nazarbayif we uning yoldishi rakat aliyifning soraqqa tartilishini telep qilghan idi .

Xewerlerge qarighanda, rahet aliyéf we dariga nezer bayifning, sersanbayif bilen shi'exsi ziddiyiti bar iken. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.