Xitay teywen mesiliside kanadani agahlandurdi

Kanada parlaménti teywen bilen resmiy soda we medeniyet alaqisi ornitish heqqidiki qanun layihisini muzakire qilishning harpisida, xitay hökümiti kanada parlaméntini bu qanun layihisini maqullimasliq heqqide agahlandurdi.

Xitayning kanadada turushluq bash elchisi lüshuming bayanatida, " kanada parlaménti eger teywen bilen resmiy soda we medeniyet alaqisi ornitidighan qanun layihisini maqullisa, bu ikki döletning 35 yilliq diplomatik munasiwitining ulini weyran qilidu" dédi.

Teywen munasiwetler qanun layihisini kanadadiki konsirwatip partiyining bir parlamént ezasi otturigha qoyghan. Bu qanun layihisining otturigha qoyulushi kanada bilen xitay otturisidiki munasiwetni jiddiyleshtürdi.

Li shuming bayanatida yene kanada hökümitini bir xitay prinsipini özgertmeslikke chaqirdi. Kanada uzundin béri xitayning qarishidiki "bir xitay" prinsipini yaqlaydighanliqini bildürüp kelgen idi.

Xitay hökümiti teywenni özining bir qismi dep qaraydu. Xitay zörür tépilghanda teywenni qoral küchi bilen birlikke keltüridighanliqini bildürmekte. (Arzu)