Afghanistandiki toqunushlarda 64 taliban jengchisi öltürüldi


2005.06.23
Share on WhatsApp
Share on WhatsApp

Seyshenbe künidin biri afghanistanning jenubiy rayonida, amérika herbiy qisimliri bilen we afghan armiyisining birlikte élip bériwatqan herbiy herikitide hazirghiche 64 taliban jengchisi öltürülgen.

Roytéris agéntliqining afghanistanning qendehar shehiridin xewer qilishiche, bu, afghanistanda talibanlar hakimiyiti gumran bolghandin kéyin, amérika qisimliri we afghan milliy armiyisi birlikte élip barghan eng keng kölemlik herbiy heriket hésablinidiken.

Yéqinqi bir nechche aydin biri, afghanistandiki taliban we elqa'ide qalduqliri qaytidin teshkillinip, bu dölettiki pa'aliyetlirini kücheytken bolup, taliban we elqa'ide qalduqliri teripidin élip bérilghan hujumlar netijiside yüzligen kishi ölgen idi.

Afghanistanda séntebir iyida élip bérilidighan parlamént saylimining harpisda pa'aliyetlirini téximu kücheytken afghanistandiki taliban we elqa'ide qalduqliri, yéqindin biri, iraqtikige oxshash özini öltürüwélish xaraktérlik hujumlar élip bérishke bashlighan.

Afghanistan hökümiti, taliban we elqa'ide jengchilirining pakistandin afghanistan'gha kiriwatqanliqini bildürüp, bu mesilide jiddiy tedbir almaywatidu dep pakistan hökümitini eyiblimekte.

Pakistan hökümiti taliban we elqa'ide jengchilirining afghanistan térritoriyisi ichide terbiyiliniwatqanliqini tekitlep, afghanistanning eyibleshlirini ret qilmaqta. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.