Пакистан һөкүмити, талибанлар билән имзаланған келишимни ақлимақта


2007.02.24

Пакистанниң афғанистан билән чегридаш болған шималий вәзиристан өлкисиниң валиси әли муһәммәт оракзәй, өткән йили сентәбир ейида пакистан һөкүмити билән афғанистандики талибанларниң һәрикитини қоллаватқан райондики қәбилиләр оттурисида имзаланған келшимниң яхши нәтиҗә бәргәнликини билдүрди.

Униң ейтишичә, мәзкур келишим имзаланғандин бери 50 чәтәл пуқрасиниң аилә әфради вәзиристандин айрилиған. У взиристандин айрилған чәтәлликләрниң қайси дөләтниң пуқраси икәнлики һәққидә мәлумат бәрмиди. Әмма ройтрерс агентлиқиниң билдүрүшичә, бу районда һелиму нурғунлиған әрәб, чечен вә оттура асия дөләтлиридин кәлгән радикал ислам милитантлири йошурунған.

2001‏- Америка һөкүмитиниң һәрбий һәрикити нәтиҗисидә афғанистандики талибанлар һакимийити гумран болғандин кейин, нурғунлиған талибан вә әлқаидә милтанти, пакистанниң шималий вәзиристан районида панаһланған.

Өткән йили пакистан һөкүмити билән афғанистан пакистан чегра районидики паштон қәбилилири оттурисида имзаланған келишимгә асасән, пакистан һөкүмити мәзкур районда һәрбий һәрикәт елип беришни тохтатқан вә қәбилиләр районда чәтәл пуқраси милитантларниң паалийитигә рухсәт бәрмәсликни қобул қилған.

Әмма, пакистан һөкүмитиниң шималий вәзиристандики қәбилиләр билән бундақ бир келишим имзалиғанлиқи нурғун кишиләрниң тәнқидигә учриған. Улар бу келишим талибанларни техиму күчәйтидиғанлиқини, уларниң пакистан-афғанистан чегра районида техиму әркин паалийәт елип беришиға сәвәб болидиғанлиқини илгири сүрмәктә.

Йеқинда америка ташқи ишлар министири кондализа райс, америка дөләт мәҗлисидә бәргән баянатида, пакистан һөкүмитиниң пилани әпсуслинарлиқ нәтиҗиләр кәлтүрүп чиқарди, дегән. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.