Америкида һәрбий базиға һуҗум қилмақчи болған 6 нәпәр террорчи гумандар тутулди


2007.05.09
Share on WhatsApp
Share on WhatsApp

Америкиниң нюҗерси штатидики форт декис қуруқлуқ армийә базисиға уштумтут һуҗум қилип, имкан қәдәр көп қирғинчилиқ қилишни пиланлиған 6 нәпәр террорчи гумандар AK- 47, M16 бәлгилик аптоматик милтиқ сетив елиш җәрянида тутулди.

Б б с ниң баян қилишичә, нюҗерси шитати тәкшүрүш идариси 'радикал исламчиларниң идийисини өзигә юқтурған кишиләр ' дәп атиған бу 6 кишиниң 4 и югуславийидә, бири түркийидә, бири иорданийидә туғулған. Буларниң ичидә америка пуқрасиму бар, қанунсиз көчмәнләрму бар. Бу гумандарлар келәр һәптидә сотлиниду.

С б н телевизийә хәвиридә баян қилинишичә, ақсарайниң баянатчиси тони синов әпәнди 'бу 6 кишиниң хәлқаралиқ террорчи тәшкилат билән мунасивити барлиқи техи испатланмиди' дегән. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.