Rusiyidiki görüge élish weqeside ölgenlerning depne murasimi ötküzüldi

Rusiyining béslan shehiridiki kishiler yekshenbe küni görüge élish weqeside qazagha yoluqqanlarni depne qilish murasimini ötküzdi. Mezkur weqede ölgenlerning sani338 ge yetken .

Britaniye radi'o- téléwiziye shirkitining xewirige qarighanda, rusiyining bashqa jayliridimu ziyankeshlikke uchrighanlar üchün her xil shekildiki teziye murasimliri ötküzülgen bolup, düshenbe we seyshenbe künliri yene, memliket boyiche teziye bildürüsh murasimi ötküzilidiken.

Buning aldida, rosiye prézidénti wiladémir putin téléwizor nutiqi sözlep, rusiyide téximu ünümlük bir bixeterlik sistémisi qurup chiqishqa wede berdi. U nutuqida yene, chéchenistanni öz ichige alghan shimaliy kawkaz rayonigha bolghan kontrolluqni kücheytidighanliqini bildürdi.

Ötken charshenbe küni rusiyining ossitiye jumhuriyiti béslan shehiridiki bir mektep qoralliq küchler teripidin ishghal qilinip, mektep ichidiki balilar, ata- anilar we oqutquchilar görüge élin'ghan idi. Jüme künidiki rosiye amanliq qisimlirining qutquzush herikiti jeryanida görüge élin'ghanlardin 338 i ölgen. 700 Din artuqi yarilan'ghan. Ölgenlerning yérimi balilar iken.

Yerlik bixeterlik xadimliri, görüge alghuchi 30 nechche kishining ichide 27 isining ölüp, üchining tutulghanliqini we yene bir nechchisining qéchip ketkenlikini bildürgen hemde ölgenlerning köpinchisining chéchenler we erebler ikenlikini ilgiri sürgen. (Arzu)

3- Séntebir Shimali ossitiyediki görüge éliwélish krizisi qetli'am bilen axirlashti

6- Séntebir Shimaliy ossétiye weqesi heqqidiki inkaslar

7- Séntebir Shimaliy ossétiye weqesi we putin

8- Séntebir Russiye chéchen rehberlirini tutush mukapati élan qildi