Osama bin ladin bilen xitayning yoshurun munasiwiti

9‏-Ayning 27‏- küni hindistanning "dölet erbabi" gézitide osama bin ladin bilen xitay hökümitining munasiwiti heqqide "osama öldimu?" dégen témida maqale élan qilghan hindistanliq jurnalist rajinder puri, xitay hökümitini osama bin ladinning xojayini qilip körsetti.

Maqaliside, xitay hökümitining talibanlar we elqa'ide teshkilati bilen hemkarlashqanliqini hemde rayonda hindistan'gha qarshi heriketlerni qollighanliqini ilgiri sürgen rajinder puri, buni ispatlaydighan nurghun pakitlar mewjut ikenlikini bildürmekte.

Uning éytishiche, xitay 1999‏- yili hindistan hawa yollirining yoluchilar ayropilanining görüge élin'ghanliqidin, weqe yüz bérishtin burun xewer tapqan. Afghanistandiki talibanlar hakimiyiti bilen munasiwetlirini dawamlashturghan xitay hökümiti 2001‏- yili yanwar éyining bashlirida b d t ning talibanlargha qarshi imbargo yolgha qoyush qararigha qarshi chiqqan.

Rajinder purining bildürüshiche, elqa'ide teshkilatining rehbiri osama bin ladinning, amérika, rusiye we hindistanni islam dinining düshmenliri dep élan qilip, Uyghur musulmanlirining kürishini qattiq qolluq bilen basturuwatqan xitayni hazirghiche tilgha almighanliqining özila, osama bilen xitay arisida yoshurun bir munasiwetning barliqini körsitidu. (Qanat)