Qalmaqistanning prizdénti dalay lamaning ziyaret qilishini ümid qilidighanliqini bildürdi

Dalay lama

Qalmaqisitan bilen xitay otturisidiki iqtisadiy hemkarliqini kücheytish üchün béyjingni ziyaret qiliwatqan, rusiye terkibidiki qalmaqistan jumhuriyitining prizdénti kirsan ilyumjinof, tibetliklerning diniy we siyasiy dahiysi dalay lama ning qalmaqistan jumhuriyiti ziyaret qilishini ümid qilidighanliqini bildürdi.

Ilyumjinof seyshenbe küni béyjingda fransiye axbarat agéntliqigha bergen bayanatida mundaq digen, “ elwette budda dinigha ishen'gen bir kishi bolush süpitim bilen, dalay lamaning qalmaqistanni ziyaret qilishini ümid qilimen. Lékin, bundaq ziyaret téxi pilanlanmidi. Qalmaqistan prizdénti, ötken yili hindistanni ziyaret qilghinida, dalay lama bilenmu uchrashqan idi.

Dalay lama -2002 yili qalmaqistanni ziyaret qilmaqchi bolghan, emma rusye hökümiti xitay hökümitining bisimi bilen dalay lamagha wiza bérishni ret qilghanliqi üchün, bu meqsitini emelge ashuralmighan.

Xitay hökümiti dalay lamaning pa'aliyet da'irisini cheklesh meqsitide, herqaysi döletlerge dalay lamagha wiza bermesliki heqqide dawamliq bésim ishletmekte. (Eqide)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar