Powél sunami apet rayonini közdin köchürdi


2005-01-05
Share

Amérika tashqi ishlar ministiri kolin powél charshenbe küni sunami apitining tesirige éghir uchrighan hindonéziyining sumatra ariligha bérip, apet ziyankeshlikige uchrighuchilar we ularning a'ile-tawabatliridin hal soridi.

Amérika birleshme axbarat agéntliqining xewer qilishiche, kolin powélning ziyariti dawamida yerlik xelqlermu amérikigha bolghan teshekkürini ipadiligen. Bu yerde diniy deris béridighan 53 yashliq mollam muhemmed mejid muxbirgha mundaq deydu: "amérika dunyaning saqchisi, buning bilen bir waqitta yene ular bizge köp yardem qiliwatidu. Biz buningdin tolimu minnetdar."

Neq meydanni közdin köchürüp téximu tesirlen'gen amérika tashqi ishlar ministiri kolin powél, apet rayonigha ewetidighan tik uchar ayrupilanlarni téximu köpeytidighanliqini jakarlidi. Küzetküchiler amérikining bu yerdiki ipadisining, amérikining musulman dunyasidiki obrazini yaxshilashqa paydisi bolidighanliqini ilgiri sürmekte.

Hazirghiche amérika hökümiti iqtisadiy yardemdin sirt, apet rayonigha 45 dane tik uchar ayrupilan, 15 ming amérika eskiridin teshkillen'gen yardem guruppisi shundaqla ikki herbiy paraxot etritini qutquzush ishlirini élip bérishqa ewetken. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet