Түркийә армийиси баш қоманданлиқ шитабиниң рәиси курд топилаңчилириниң һәрбий нишанлирини ғәлибилик бомбардиман қилғанлиқини билдүрди


2007-12-17
Share

17- Декабир дүшәнбә күни түркийә армийиси баш қоманданлиқ шитабиниң рәиси түркийә һәрбий айропиланлириниң бу һәптә ахири шимали ирақ чегриси ичигә җайлашқан курд топилаңчилириниң һәрбий нишанлирини ғәлибилик бомбардиман қилғанлиқини билдүрди.

Шамилий ирақтики һөкүмәт әмәлдарлири, түркийә айропиланлириниң курд кәнтлирини бомбилап бир аялни өлтүргәнликини, йүзлигән адәмләрниң өйлирини вәйран қилғанлиқни елан қилған болсиму, әмма түркийә һәрбий тәрәп өзлириниң пәқәт курд топилаңчилириниң һәрбий нишанлиринила бомбардиман қилғанлиқини җакарлиған.

Түркийә һөкүмити һазир шималий ирақ чегриси ичидә 3миңға йеқин курд топилаңчилири йошурунғанлиқини тәкитләп келиватқан болуп, бу йил июнда бу районға җайлашқан курд қораллиқ күчлири түркийә һәрбий базисиға һуҗум қозғап 7 адәмни өлтүргәндин кейин түркийә шималий ирақ чегриси әскәр топлиған иди.

Ройтерс агентлиқида көрситилишичә, һазир түркийиниң шимали ирақ чегрисида 100миңдин артуқ қошуни буйруқ күтүп йетиватқан болуп, һәр заман ирақ чегриси ичигә бесип кирип курд қораллиқ күчлиригә һуҗум қозғашқа тәйяр турмақта икән.

Түркийә армийиси 16- декабир курдларға қарши елип барған һава һуҗумида, җәмий 50 күрәшчи айропиланни, вә йәр йүздинму мәлум санда қуруқлуқ қисимлирини ишқа селип курдларниң һәрбий нишанлириға зәрбә бәргән.

Бу йил июнда курд қораллиқ топилаңчилири түркийә һәрбий базисиға һуҗум қилип түрк әскәрлирини өлтүргәндин кейин, хәлқ "түркийә чоқум курдларға һуҗум қозғап интиқам елиши керәк" дәп түркийә һөкүмитигә бесим ишлитип кәлмәктә. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт