Türkiye armiyisi bash qomandanliq shitabining re'isi kurd topilangchilirining herbiy nishanlirini ghelibilik bombardiman qilghanliqini bildürdi


2007-12-17
Share

17- Dékabir düshenbe küni türkiye armiyisi bash qomandanliq shitabining re'isi türkiye herbiy ayropilanlirining bu hepte axiri shimali iraq chégrisi ichige jaylashqan kurd topilangchilirining herbiy nishanlirini ghelibilik bombardiman qilghanliqini bildürdi.

Shamiliy iraqtiki hökümet emeldarliri, türkiye ayropilanlirining kurd kentlirini bombilap bir ayalni öltürgenlikini, yüzligen ademlerning öylirini weyran qilghanliqni élan qilghan bolsimu, emma türkiye herbiy terep özlirining peqet kurd topilangchilirining herbiy nishanlirinila bombardiman qilghanliqini jakarlighan.

Türkiye hökümiti hazir shimaliy iraq chégrisi ichide 3minggha yéqin kurd topilangchiliri yoshurun'ghanliqini tekitlep kéliwatqan bolup, bu yil iyunda bu rayon'gha jaylashqan kurd qoralliq küchliri türkiye herbiy bazisigha hujum qozghap 7 ademni öltürgendin kéyin türkiye shimaliy iraq chégrisi esker toplighan idi.

Roytérs agéntliqida körsitilishiche, hazir türkiyining shimali iraq chégrisida 100mingdin artuq qoshuni buyruq kütüp yétiwatqan bolup, her zaman iraq chégrisi ichige bésip kirip kurd qoralliq küchlirige hujum qozghashqa teyyar turmaqta iken.

Türkiye armiyisi 16- dékabir kurdlargha qarshi élip barghan hawa hujumida, jem'iy 50 küreshchi ayropilanni, we yer yüzdinmu melum sanda quruqluq qisimlirini ishqa sélip kurdlarning herbiy nishanlirigha zerbe bergen.

Bu yil iyunda kurd qoralliq topilangchiliri türkiye herbiy bazisigha hujum qilip türk eskerlirini öltürgendin kéyin, xelq "türkiye choqum kurdlargha hujum qozghap intiqam élishi kérek" dep türkiye hökümitige bésim ishlitip kelmekte. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet