Türkiyide ikki bala qush zukam bilen qaza qildi

• 
  2006-01-08

Türkiyide ikki bala qush zukam késili bilen qaza qildi. Bu sherqiy asiyaning sirtidiki rayonda qush zukam késili bilen qaza qilghan tunji kishi bolup hésablinidu.

Dunya sehiye teshkilatining bir bayanatchisi türkiyining wen shehiride qaza qilghan bu ikki balining biri besh yashta yene birining 8 yashta ikenlikini éytti, emma bu balilar heqqide buningdin bashqa tepsiliy uchur bermidi. Shuning bilen türkiyide hazirghiche 10 kishide qush zukam wirusi bayqaldi.

Amérika birleshme agéntliqining xewer qilishiche, yekshenbe küni enqerede yene 3 kishide qush zukam wirusi bayqalghan. Ular hazir jiddiy dawaliniwatqan bolup, ularning arisida ikkisi kichik bala iken.

Türkiyide qush zukimi taralghandin buyan hazirghiche 12 mingdin oshuq öy qushlirini öltürüp bolghan. Nöwette türkiyide qush zukimining tarqilishi türkiyidiki xoshna döletlerni we yawropa ellirini endishige salmaqta. Ötkenki yildin buyan asiyada taralghan qush zukimi 75 kishining ölishini keltürüp chiqarghan idi. (Peride)