Türkmenistan xelqi 15 yildin kéyin tunji qétim prézidént saylaydu

Türkmenistan xelqi 11 - féwral küni 1992 - yildin kéyin élip bérilghan tunji qétimliq saylimida bilet tashlap, niyazow dewridin kéyinki tunji prézidéntini saylap chiqidu.

Saylamda xelq'ara küzetküchilerning bilet sanduqigha yéqinlishishi cheklensimu,lékin ularni saylamni yiraqtin küzütishige ruxset qilishi mumkin. Küzetkchiler, hökümet teripidin testiqlan'ghan 6 namzat ichide mu'awin bash ministir berdi. Muhemeddowning saylamda ghelibe qilishigha ishench bilen qarimaqta. Saylam netijisi 12 - féwralghiche élan qilinmasliqi mumkin.

Bu qétimqi saylam 1985 -yildin béri türkmenistanni sorap kéliwatqan sabiq prézidént seper murat niyazowning tuyuqsiz ölümidin kéyin élip bériliwatidu. Türkmenistanda élip bérilghan axirqi qétimliq saylam 1992 -yili ötküzülgen we saylamda niyazow ghelibe qilghan idi. Bu qétimqi saylamgha chet'eldiki türkmenistan öktichi küchlirining qatnishishi ruxset qilinmidi.

Xelq'ara küzetküchiler, saylamning xelq'ara ölchemdin yiraq ikenlikini bildürsimu, lékin yéngi prézidéntining türkmenistanda islahat élip bérishini, niyazow dewridiki békinmichilik siyasetke xatime bérilishini ümit qilmaqta. (Erkin)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar