Türkmenistanda prézidént saylimi üchün bélet tashlash axirlashti


2007-02-11
Share

Ottura asiyadiki mol néfit we tebi'iy gaz zapisigha ige türkmenistan jumhuriyitining tarixidiki tunji prézidént saylimi tizimlatqan ademlerning 99% ning qatnishishi bilen axirlashti.

Rusiye agéntliqlirining uchurliridin qarighanda, bu qétimqi saylamda alte adem prézidéntliq orni üchün heriket qilghan bolup, yekshenbe küni pütün jumhuriyet boyiche bélet tashlash axirlashqan. Saylamning netijisi düshenbe küni resmiy élan qilinidu.

Uchurlardin qarighanda, bu qétim saylamgha chüshken alte ademning hemmisi jumhuriyetning hakimiyet yürgüzüwatqan hem eyni waqitta sabiq prézidént seper murat niyazop teripidin qanunluq dep békitilgen partiyidin bolup, gerche chet'ellerde pa'alliyet qiliwatqan öktichi partiyiler deslepte özlirining saylamgha qatnishidighanliqini bildürgen bolsimu, lékin bu qétim saylamgha chüshmigen.

Emma, öktichiler rehberliridin bir boris shixmuradop bu qétimqi saylamning köpligen ölchemge xilap qilmishlar bilen ötkenlikini eskertken.

Közetküchilerning qarishiche, seper murat niyazop wapat bolghandin béri waqitliq prézidéntliq wezipisini béjiriwatqan qurbangül berdimuhemmedopning saylamda ghelibe qazinish éhtimalliqining zor iken.

Turkmenistan xelq mesliheti dep atalghan parlamént 14 –féwral küni yéngi prézidéntning qesem bérip wezipe tapshuruwélishini békitken.

Jumhuriyetni 21 yil idare qilghan sabiq prézidént seper murat niyazop ötken yili 12-ayda wapat bolghandin kéyin bu yil 2-ayda saylam ötküzüsh qarar qilin'ghan idi. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet