Berdimohemmedofning türkmenistan prézidéntliqigha saylinish éhtimalliqi küchlük

Türkmenistan da'iriliri, yekshenbe küni türkmenistanda élip bérilghan prézidént saylimida, awaz bérish hoquqigha ige kishilerning 98 pirsentining saylamda bilet tashlighanliqini we saylamning ghelibilik ötküzülgenlikini bildürdi. Emma saylamni közetken chet'el muxbirliri, saylamgha qatnishish nisbitining hökümet éytqandek, yuqiri bolmighanliqini tekitlimekte.

Yekshenbe küni türkmenistanda ötküzülgen prézidént saylimigha héchqandaq xelq'araliq teshkilat közetküchi ewetmigen bolup, xelq'ara kishilik hoquq teshkilatliri saylamni adaletlik bolmighan dep qattiq tenqid qildi. Emma, siyasiy mulahizichiler, bu qétimqi prézidént saylimigha gerche oxshash partiyining ezaliri bolsimu, 6 kishining özini namzat körsetkenlikini, toghra yolda ilgirileshning bir bishariti dep qarimaqta.

Türkmenistanda ötküzülgen prézidént saylimida, 6 kishi özini namzat körsetken, emma bu alte kishining hemmisi, 2006‏- yili 21‏- dékabir küni tuyuqsiz ölgen türkmenistan prézidénti seper murat niyazofning partiyisi bolghan türkmenistan démokratiye partiyisining ezasi.

Siyasiy mulahizichiler, prézidént seper murat niyazofning ölümidin kéyin, türkmenistanning waqiliq prézidént wezipisini ötewatqan berdimohemmedofning, türkmenistan prézidéntliqigha saylinish éhtimalliqining küchlük ikenlikini bayan qilmaqta.

Ukra'iniye téléwiziyisining xewirige qarighanda, berdimuhemmedof yekshenbe küni türkmenistanda ötküzülgen prézidént saylimida bérilgen awazlarning 95 pursentini qolgha keltürgen. (Qanat)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar