Русийиниң түркмәнистан тәбий гази үстидики контроллуқи давамлишиду


2007-04-24
Share

Түркмәнистанниң диктатори сәпәр мурат ниязофниң туюқсиз өлүмидин кейин, түркмәнистанниң тәбий газини контрол қилиш үчүн,дунядики чоң дөләтләр оттурисида елип бериливатқан риқабәттә, русийә ғәлибә қилғандәк туриду.

Ройтрис агентлиқиниң москвадин хәвәр қилишичә, русийини зиярәт қиливатқан түркмәнистан президенти бәрдимуһәммәдоф сәйшәнбә күни тәбий газ мәсилисидә русийә билән узун муддәтлик бир һәмкарлиқ келишими имзалашни қобул қилған.

Түркмәнистанниң йеңи президенти бәрдимуһәммәдоф москвада русийә президенти владимир путин билән учрашқандин кейин бәргән баянатида " биз һәр саһәдә түркмәнистан тәбий газини искпорт қилиш мәсилисидә һәммидин бурун русийә билән һәмкарлиқимизни күчәйтишини халаймиз"дегән.

Америка вә яврупа иттипақи тәбий газини һазирғичә пәқәт русийә арқилиқ дуня базриға експорт қиливатқан түркмәнистанни, тәбий газини икспорт қилиш үчүн башқа йоллар тепишқа қайил қилишқа тиршмақта. Шундақла хитай түркмәнистан билән узун муддәтлик бир тәбий газ келишими имзалаш үчүн паалийәт елип бармақта.

Лекин түркмәнистан президенти бәрдимуһәммәдоф, москвада русийә рәһбәрлири билән елип барған сөһбитидә, русийә билән түркмәнистан оттурисида мәвҗут келишимни давамлиқ қоллайдиғанлиқини җакарлаш арқилиқ русийиниң түркмәнистан тәбий гази үстидики контроллуқиниң давамлишишини қобул қилған. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт