Yekshenbe küni türkmenistanda saylam bashlinidu


2007-02-10
Share

20 Yildin béri bir diktator teripidin idare qilin'ghan türkmenistan xelqi, yekshenbe küni özlirige yéngi bir prézidént saylash üchün saylamgha qatnishidu. Bu qétimqi prézidént saylimining alahidiliki, gerche türkmenistanda peqet bir partiye, yeni seper murat niyazofning démokratiye partiyisi mewjut bolsimu, bir nechche kishining özini prézidént wezipisige namzat körsetkenlikidur.

Bu qétimqi prézidént saylimida 6 kishi özini namzat körsetken. 2006‏- Yili 21‏- dékabir küni tuyuqsiz ölgen türkmenistan prézidénti seper murat niyazof, 20 yil türkmenistanni qattiq qolluq bilen idare qilip kelgen. U üzini pütün türkmenlerning atisi dep atap, hetta künler, heptiler we aylarning ismini özgertip, ulargha öz, ata-anisi we uruq -tughqanlirining ismini qoyghan idi.

Lékin, türkmenistanning waqitliq prézidént wezipisini ötewatqan qurnaghuli berdimohemmedof, gerche özi 6 prézidént namzatining biri bolsimu, niyazofning siyasitini özgertip, pütün namzatlargha téléwiziyidiki teshwiqatlarda oxshash waqit ajratmaqta.

Bezi siyasiy mulahizichiler, bu saylam mol néfit we teb'iy gaz menbelirige ige hemde istratégiylik jehettin ehmiyetlik türkmenistanning asta-asta siyasiy yönilishini özgetiwatqanliqining bir bishariti hésablinidu, déyishmekte.

Emma türkmenistan rehberlirining özlirini 2006‏- yili 21‏- dékabir küni tuyuqsiz wapat bolghan türkmenistan prézidénti seper murat niyazofning tesiridin qandaq qilip qutquzalaydighanliqi melum emes. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet