3 ‏- Май дуня учур әркинлики күни мунасивити билән ...


2007-05-03
Share

Баш оргини америкиниң нюйорк шәһиридики мухбирларни қоғдаш җәмийитиниң 3 ‏- май дуня учур әркинлики күни мунасивити билән елан қилған баянатида ейтилишичә, 2002 ‏- йилидин 2007 ‏- йилиғичә һаятидин айрилған мухбирларниң %85и наһәқчилиқни паш қилип һәққанийәткә йетиш йолида көрәш қилғанлар. Бәзи районларда тутқун қилинғанларниң % 70 и пәқәт кәспий мухбир болғанлиқи үчүнла тутқун қилинған.

Бирләшкән дөләтләр тәшкилатниң баш катиби бан кимун дуня учур әркинлики күни мунасивити билән қилған сөзидә "мухбирлиқ кенишкиси бурун һәр қандақ дөләткә кирип -чиқишта худди паспорттәк рол ойнайтти. Һазир у өзигә хәвп йәткүзидиған кенишкиға айланған. Инсанийәттики намратлиқ -қейинчилиқларни, тоқунушларни, чириклик -хиянәтчиликни дуняға ашкарилиған мухбирларниң тутқун қилиниши бизни қаттиқ силкиндүрди," деди.

Америкидики әркинлик өйи елан қилған доклатқа қариғанда, дунядики 195 дөләтниң қанун муһити, сиясий муһити вә иқитисадий муһитини селиштуруп баһалиғанда, гәрчә бир қисм дөләтләр бу йил әркинлик муһити яхшилиниватқан дөләтләр қатариға өткән болсиму, әмма хитай бу йилму йәнила әркинлик йоқ дөләтләр' қатарида туруватиду.

Буниңға селиштурма һалда, 360 хил шәхсий гезит, 100 дин артуқ симлиқ радио - телевизийә вә 160 тин артуқ сүний һәмраһдин учур тарқитидиған радио- телевизийигә игә әркин җәмийәт ‏-‏ тәйвән арили, хәлқтә әркинлик болуш җәһәттә асия буйичә биринчи орунда туриду. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт