3 ‏- May dunya uchur erkinliki küni munasiwiti bilen ...


2007-05-03
Share

Bash orgini amérikining nyuyork shehiridiki muxbirlarni qoghdash jem'iyitining 3 ‏- may dunya uchur erkinliki küni munasiwiti bilen élan qilghan bayanatida éytilishiche, 2002 ‏- yilidin 2007 ‏- yilighiche hayatidin ayrilghan muxbirlarning %85i naheqchiliqni pash qilip heqqaniyetke yétish yolida köresh qilghanlar. Bezi rayonlarda tutqun qilin'ghanlarning % 70 i peqet kespiy muxbir bolghanliqi üchünla tutqun qilin'ghan.

Birleshken döletler teshkilatning bash katibi ban kimun dunya uchur erkinliki küni munasiwiti bilen qilghan sözide "muxbirliq kénishkisi burun her qandaq döletke kirip -chiqishta xuddi pasporttek rol oynaytti. Hazir u özige xewp yetküzidighan kénishkigha aylan'ghan. Insaniyettiki namratliq -qéyinchiliqlarni, toqunushlarni, chiriklik -xiyanetchilikni dunyagha ashkarilighan muxbirlarning tutqun qilinishi bizni qattiq silkindürdi," dédi.

Amérikidiki erkinlik öyi élan qilghan doklatqa qarighanda, dunyadiki 195 döletning qanun muhiti, siyasiy muhiti we iqitisadiy muhitini sélishturup bahalighanda, gerche bir qism döletler bu yil erkinlik muhiti yaxshiliniwatqan döletler qatarigha ötken bolsimu, emma xitay bu yilmu yenila erkinlik yoq döletler' qatarida turuwatidu.

Buninggha sélishturma halda, 360 xil shexsiy gézit, 100 din artuq simliq radi'o - téléwiziye we 160 tin artuq sün'iy hemrahdin uchur tarqitidighan radi'o- téléwiziyige ige erkin jem'iyet ‏-‏ teywen arili, xelqte erkinlik bolush jehette asiya buyiche birinchi orunda turidu. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet