Ukra'iniye saylam komitéti eng axirqi saylam netijisini élan qildi


2004.11.24
Share on WhatsApp
Share on WhatsApp

Ukra'iniye saylam komitéti yerlik waqit charshenbe küni kechte eng axirqi saylam netijisini élan qilip, bash ministir yanukowichning prézidént saylimida utup chiqqanliqini jakarlidi. Buninggha öktichi namzat yoshinkoning nechche yüzming qollighuchiliri küchlük naraziliq bildürdi.

Amérika birleshme agéntliqining xewer qilishiche, axirqi saylam netijisi jakarlinip uzun ötmey, amérika tashqi ishlar ministiri kolin powél ukra'iniye prézidént saylimini étirap qilmaydighanliqini jakarlidi. Shundaqla amérika terep yene, bu saylam netijisining amérika-ukra'iniye munasiwetlirige biwaste tesir yetküzidighanliqini agahlandurdi.

Saylam netijisige narazi boliwatqan nechche yüz ming xelq ammisi hazir qishning soghiqigha qarimastin saylam komitéti binasi aldida yighilip, dawamliq türde hökümetning saylamda saxtiliq qilghanliqigha qarshiliq bildürmekte. Buning bilen ukra'iniye paytexti kyéwdiki qarshiliq pa'aliyiti 3 kün dawam qildi.

Öktichi namzat yoshinko saylam netijisidin küchlük narazi bolghan bolup, u qarshiliq körsitiwatqan xelq ammisi aldida " men ukra'iniye prézidénti bolush süpitim bilen söz qiliwatimen" dep bildürdi.

Ukra'iniye hökümiti deslep chiqarghan saylam netijiside bash ministir yanukowichning % 3 awaz üstünlük bilen yoshinko üstidin ghelibe qilghanliqini jakarlighan bolup, ukra'iniyediki musteqil organlar we gherp elliri saylamda saxtiliq qilish herikiti körülgenlikini bildürüp, esli utquchining yoshinko ikenlikini ilgiri sürgen idi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet