Украинийидики өктичи гуруппилар сайлам нәтиҗисигә риқабәт елан қилди


2004-11-25
Share

Украинийидики өктичи гуруппилар йәкшәнбә күни өткүзүлгән президент сайлиминиң нәтиҗисигә нарази болуп, алий сот мәһкимисигә әрз сунди. Шуниң билән бир вақитта, өктичи намзат йошинкониң нәччә йүз миңлиған қоллиғучилириниң кйевдики қаршилиқ паалийәтлири төтинчи күнигә қәдәм қойди.

Америка бирләшмә ахбарат агентлиқиниң хәвиригә қариғанда, өктичи президент намзати йошинко пәйшәнбә күни украинийә алий сот мәһкимисигә рәсмий әрз сунған.

Украинийә сайлам комитети буниң алдида руспәрәс баш министәр яноковичниң ٪ 3 үстүнлүк билән президент сайлимида утуп чиққанлиқини җакалиған иди. Әмма юшинко сайлам нәтиҗисини рәт қилип, пүтүн дөләт бойичә ишчиларни иш ташлашқа чақирди. У қоллиғучилирини қаршилиқ паалийәтләрни давамлаштурушқа үндәп, өзиниң сайламда һәқиқий ғәлибә қилғучи икәнликини көрсәтти.

Кйевдики өктичи гуруппиниң рәһбәрлири нөвәттә уларниң қоллиғучилириниң украинийиниң бир қисим районлиридики йолларни қамал қилғанлиқини билдүрмәктә.

Буниң алдида баш министәр янукович вә өктичи намзат йошинко вәзийәтниң дөләт ичидә тоқунушни кәлтүрүп чиқириши мумкинликини агаһландурған иди. Нөвәттә украинийә пайтәхти кйев вә башқа чоң шәһәрләрдә нәччә он миңлиған кишиләр қишниң соғиқиға қаримастин, наразилиқ паалийәтлирини давамлаштурмақта.

Бу арида, яврупа бирлики билән полша украинийидики җиддий вәзийәтни пәсәйтиш үчүн кйевға мәхсус әлчи әвәткән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт