Ukra'iniyidiki öktichi guruppilar saylam netijisige riqabet élan qildi


2004-11-25
Share

Ukra'iniyidiki öktichi guruppilar yekshenbe küni ötküzülgen prézidént saylimining netijisige narazi bolup, aliy sot mehkimisige erz sundi. Shuning bilen bir waqitta, öktichi namzat yoshinkoning nechche yüz minglighan qollighuchilirining kyéwdiki qarshiliq pa'aliyetliri tötinchi künige qedem qoydi.

Amérika birleshme axbarat agéntliqining xewirige qarighanda, öktichi prézidént namzati yoshinko peyshenbe küni ukra'iniye aliy sot mehkimisige resmiy erz sun'ghan.

Ukra'iniye saylam komitéti buning aldida rusperes bash minister yanokowichning ٪ 3 üstünlük bilen prézidént saylimida utup chiqqanliqini jakalighan idi. Emma yushinko saylam netijisini ret qilip, pütün dölet boyiche ishchilarni ish tashlashqa chaqirdi. U qollighuchilirini qarshiliq pa'aliyetlerni dawamlashturushqa ündep, özining saylamda heqiqiy ghelibe qilghuchi ikenlikini körsetti.

Kyéwdiki öktichi guruppining rehberliri nöwette ularning qollighuchilirining ukra'iniyining bir qisim rayonliridiki yollarni qamal qilghanliqini bildürmekte.

Buning aldida bash minister yanukowich we öktichi namzat yoshinko weziyetning dölet ichide toqunushni keltürüp chiqirishi mumkinlikini agahlandurghan idi. Nöwette ukra'iniye paytexti kyéw we bashqa chong sheherlerde nechche on minglighan kishiler qishning soghiqigha qarimastin, naraziliq pa'aliyetlirini dawamlashturmaqta.

Bu arida, yawrupa birliki bilen polsha ukra'iniyidiki jiddiy weziyetni peseytish üchün kyéwgha mexsus elchi ewetken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet