Украинийиниң президент сайлимида, йошинко ғәлбигә еришти


2004.12.27

Украинийәниң президент сайлими йәкшәнбә күни ғәлбилик аяқлашти, сайламда ғәриб пәрәс өктичиләр рәһбири йошинко көп аваз билән ғәлбигә еришип, украинийиниң йеңи президенти болуп сайланди.

Украинийә мәркизи сайлам комититиниң сайлам нәтиҗисини хуласилап елип барған истатистикилиқ мәлуматиға қариғанда, йошинкоға берилгән аваз украинийиниң һазирқи министири яниковичқа берилгән аваздин көп болғанлиқи үчүн, сайламда ғәрибчи өктичиләр рәһбири йошинко ғәлбә қазанди.

Украинийә дөләт мәҗлиси нөвәттә, йеңи президентниң қәсәм ичип, вәзипә тапшурувилиш мурасими үчүн җидди тәйярлиқ көрмәктә.

Украинийиниң бу қетимқи сайлими интайин дағ-дуғлиқ өткүзүлгән болуп, сайламда беләт ташлаш нисбити ٪ 77 кә йәткән шуниңдәк сайлам паалийәтлири тәртиплик вә интайин тенч елип берилған.

Кратик сайлам

Америка сайлам көзәткүчилириниң билдүрүшичә, украинийидә 3 - қетим елип берилған сайлам, украинийә тарихидики әң демократик елип берилған сайлам һесаблинидикән.

яврупа бихәтәрлик вә һәмкарлиқ тәшкилати күзәткүчилириниң ейтишичә, бу қетимқи сайламни уюштуруш хизмити интайин яхши ишләнгән болуп, пайтәхт кейифтики сайлам хизмәтлири явропаниң өлчәмлиригә тамамән уйғун кәлгән.

явропаниң украинийә сайлимини күзәткүчи вәкилләр өмикиниң тәкитлишичә, яврупа мәҗлиси украинийиниң бу қетимқи президент сайлам нәтиҗисидин рази болиши керәк икән. явропаниң украинийә сайлимини күзәткүчи вәкилләр өмики йәнә, әгәр яврупа иттипақи түркийини яврупа иттипақиға қобул қилишни музакирә қиливатқан болса, ундақта украинийини ишик сиртида қалдуруп қоймаслиқи керәк, дигән пикирни оттуриға қойған.

Украинийиликләр пәхирләнгүси

Украинийә мәтбуатлириниң қаришичә, украинийиниң йеңи мәркизи сайлам комитетиниң хизмәт үнүми интайин нәтиҗилик елип берилған.

Ғәрәбчә өктичи партийә рәһбири йошинко 26 - декабир күни, өзиниң сайламда ғәлбә қилғанлиқини елан қилған. Йошинко өзини қоллиғучиларға мундақ дигән: 'украинийә мустәқил болған 14 йилдин буян, ахири өз әркинликини қолға кәлтүрди, яникович қатарлиқ кишиләр вә униң вәкиллириниң вуҗуди зораванлиқ вә ялғанчилиқ билән толған, улар кишилик һоқуққа һөрмәт қилмайдиған һакимийәтниң тарихқа айланғанлиқини етирап қилған әмәс, амма украинийә бүгүндин етибарән демократик йеңи бир дәвргә қәдәм қойди".

юшинко сөзидә йәнә: "йәнә бир йилдин кейин вә яки бәш йилдин кейин, кишиләр тарихи әһмийәткә игә мундақ бир сөзни қилишиду: бу мениң земиним украинийә. Демәк мән бу дөләтниң пуқраси болғанлиқим үчүн пәхирлинимән."

Йошинко йәнә, ахбарат мухбирлири һәмдә хәлқара сайлам күзәткүчилириниң украинийиниң демократийиси вә әркинлик ишлири үчүн төһпә қошқанлиқини мүәййәнләштүрүп, уларға юқири баһа беридиғанлиқини билдүрди.

Ковичниң пилани

Бу арида, украинийиниң нөвәттә баш министирлиқ вәзиписини өтәватқан янокович гәрчә өзиниң йеңилгәнликини иқрар қилған болсиму, әмма чоқум бир күчлүк октичиләр тәшкилати тәшкилләп, қануний йоллар арқилиқ бу дөләттә өзлириниң бәлгилик орнини тикләйдиғанлиқини, һәмдә йеңидин сайланған һөкүмәтниң паалийәтлири үстидин назарәт елип берип, мәзкур һөкүмәтни хәлқниң арзуси бойичә иш қилишқа мәҗбурлайдиғанлиқини тәкитлимәктә. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.