Yoshinkoning qollighuchiliri ukra'iniye parlamént binasini qayta qorshiwaldi

2004-12-29
Élxet
Pikir
Share
Print

Ukra'iniyidiki öktichilerning rehbiri yoshinkoning qollighuchiliri parlamént binasini qayta qorshiwélip, ukra'iniye hökümiti ichki kabintini charshenbe künidiki bir yighinini emeldin qaldurushqa mejbur qildi.

Amérika birleshme axbarat agéntliqining xewiride körsitilishiche, gerche axirqi qétimliq prézidént saylimida öktichiler rehbiri yoshinko utup chiqqan bolsimu, emma ukra'iniye hökümitidiki asasliq emeldarlar téxiche wezipisidin qaldurulmighan idi.

Shundaqla yene bir prézidént kandidati nöwettiki bash ministir yanukowich özining utturghanliqigha ten bermey, saylamda saxtiliq körülgenlikini bildürdi hemde charshenbe künide ichki kabint yighini chaqirishni pilanlighan idi. Emma bu yoshinko qollighuchilirining qarshiliqi tüpeylidin emeldin qalduruldi.

Öktichiler rehbiri yoshinko saylamda utup turupmu, ukra'iniye ichki kabintining téxiche tarqitiwétilmigenlikini eyiplidi. U yene, "qaysi bir döletning hökümiti saylamda utturiwétipmu yenila texttin chüshmey turiwalidu? bundaq qanunsiz hökümet emdi yighin achimiz dep olturmasliqi kérek." Dep bildürdi.

Bu qétimliq ukra'iniye saylimi, rusperes sherqiy ukra'iniye bilen milletchi gherbiy ukra'iniye otturisidiki shundaqla rusiye bilen gherp elliri otturisidiki bölünüshni téximu chongqurlashturdi. (Peride)

Pikirler (0)
Share
Toluq bet